رد على موضوع الصداقة والمحبة
لقيت نفسى عاوز اتكلم شوية عن تجارب شخصية
اولا الحب مراحل
1- حب الله 2- حب رسولة علية افضل الصلاة والسلام 3- حب الام 4- حب الاب 5- حب الاخوات
ودة حب فطرى والنوع دة من الحب بدء يقل حوالينا بعقوق الوالدين ومشاكل الاخوات
بس الموضوع دة بدء يظهر ومش عام ونادر جدا
ثانيا حب الاصدقاء وحب الاحبة
ودة حب مكتسب من خلال المشاعر والدنيا اللى عيشين فيها
وطبعا النوع دة من الحب تقريبا بدء يختفى تماما او مش موجود
كلة اوهام
ناس تقول انا بحب من اول نظرة يبقى لسة شايف فيلم لعبد الحليم عالطول
الحب الحقيقى نقدر نحكم علية من خلال معاملة الانسان
اذا كان فى انسان عملى وبيفكر دايما بعقلة ودة بنعرفة من خلال اى موقف حتى لو بسيط لو بيشترى حاجة وبيفاصل مثلا النوع دة من الناس مش بيحب ومش بيخون بس بيحسبها صح
لو راجل مثلا هايقول ايوة البنت دى جميلة واهلها كويسين وممكن الحب يجى بعد الجواز
بس مش هايقولها كدة اكيد هايقولها بحبك
النوع التانى من الناس بيفكر بقلبة وعقلة ودة النوع المعتدل ونقدر نحكم علية من معاملتة بين الناس بردة
مثلا نلاقية فى موقف بيتصرف بعقلة وموقف تانى يتاثر بية بقلبة
ممكن نعرفة
ممكن مثلا بيكون بيتفرج على فيلم مؤثر ونلاقى ملامح وجة بتتأثر بمواقف معينة
يبقى دة النوع التانى دة مثال بسيط فى امثلة كتير نقدر نعرف بيها
ومحدش يقول انة بيحس بحبيبة ويقدر يحكم علية الكلام دة غلط
النوع التالت النوع الرومانسى ودة بيفكر بقلبة بس
وللاسف دايما بيخسر وبينجرح وبيحس انة مالوش مكان فى الدنيا دى والنوع دة نادر جدا
وياريت يختفى تماما من الحياة لانة هينظلم فيها كتير
نصيحة لاصحاب النوع التالت واللى ميعرفش يغير نفسة يقلل علاقتة بالناس
ووحدتة دايما هتكون احسن حاجة ممكن يعملها
ولما يجى الجواز يبقى يحلها الف حلال وبلاش انت اللى تختار عروستك
ياريت اهلك عشان قلبك دايما هيخليك تختار غلط
بالنسبة للاصدقاء
دى كلمة غلط بنقولها حاليا
ممكن نقول عندنا اصحاب لكن اصدقاء دى كلمة كبيرة جدا
ومش موجودة لان واقع حياتنا بيخلي معظمنا بيتحولو من اشخاص ابرياء لاشخاص بيجرو ورا شهوات الدنيا ولذتها
ومحدش فينا برئ
لازم نسلم لواقع عنينا مش واخدة بالها منها
اننا بشر مش ملايكة
ممكن نعيش عمرنا كلة ومنلقيش صديق
واللى عندة صديق هاقولة استنى وشوفة هيكون معاك فى محنتك وطبعا مش بالكلام مافيش اسهل من الكلام
الصديق فعل... عشان كدة مش هينفع نحدد نختار الصديق ولا الحبيب لان ممكن الاختيارين يكونو غلط
انا اسف انى طولت عليكم بس للاسف احنا فى الدنيا ونقطة ضعفنا قلبنا
لو مات هنستريح
بس مايموتش معاه ضميرنا
شكرا
Subscribe to:
Post Comments (Atom)
No comments:
Post a Comment